الجالية24

واش هذا تقاعس او تواطؤ بإقليم سطات شي وحدين تيخرقو القانون والسلطات المختصة تتفرج فيهم ،الجالية24 توصلت من مصادر مطلعة ،ان واحد المطعم وفيه شراب كاين في طريق مراكش لي طريق وطنية هذا مولها زاد طور المشروع من بعد ما خاد رخصة وبدا يسربي في شراب للناس يعني تجي تقدا وتمشي عندو رخصة ديال مطعم وزاد هو من عندو بيستري،المهم الغريب في الأمر هو ان السلطات عارف هاد شي وساكتين علاش الله اعلم وهاد سيد صاحب المشروع كان سبق ليه دفع رخصة ديال هاد المطعم ورفض ليه العامل السابق الخطيب لهبيل وقائد سرية الدرك الملكي بسطات بأمر من القائد الجهوي عبد العالي دحماني،وكان سبب هذا الرفض هو ان المحل بعيد من شانطي بي جوج مترو،ولكن مأخرا الساكنة تفجأت بمنح الرخصة لهذ المحل باش يكون مطعم فيه الشراب ولكن صاحب المشروع هادي هي الحرفة ديالو يخد رخصة ديال مطعم ومن بعد يقلبو بيستري(كراب) وسبق ضرها في شحال من مدينة ولكن السلطات كتمنعو لأن الرخصة لي عندو ديال مطعم وشراب تشربيه في المطعم ماشي تديه معاك،المهم مون هاد المحل أخر مرة سد محال ضواحي مكناس حيت ما خلوهش يخدم كراب لان السلطة تماك قالت ليه عندك مطعم وبار ماشي بيستري.

الغريب في سطات هو ان كلشي عارف ان هاد سيد راه قلب الحرفة من مطعم ل (كراب) وماكينش لي هدر معاه واخ رخصة مطعم فيه شراب ماكانش خاصو يخدها واش كين شي رخصة كتعط في جناب طريق وطنية.