محمد لمزابي

البارح بالليل كانت واحد الرحلة من ايطاليا وبالضبط من بولونيا إلى المغرب مع واحد الشركة سميتها العربية للطيران،لكن الرحلة لي صباح اليوم الاثنين مع 12 ونص ديال الليل شفنا فيها ان الناس لي خدامين مع هاد الشركة متيحترموش المهاجرين لي كانو جاين للمغرب بالخصوص الناس لي كبار في السن وهاد المستخدمين غير دراري صغار وكيقمعو الناس بحلا غادي تركب فابور او جاي لدار باهم ومن ضمن هاد لي خدامين كين واحد دري وهو مغربي دير بادج ديال الشركة وكيفهم في الناس وكيقول ليهم أنا لمسؤول وفعلا جا واحد دري تهو ودوزو مع الام ديالو بلا ميشد لانوبة لا والو ،أما واحد البنت خدامة معهم متشوف على الناس في سما بحلا هي صانعة طيارة والغريب في الأمر تهي مغربية وكتهدر بواحد الأسلوب ديال زنقة،هاد الأسلوب خلا الناس كتسول على المسؤولين ديال لبلاد ديالها علاش متيدخلوش في هاد الأمور ويوضعو حد لهاد التسيب او تعجبونا بالشعار ديال مرحب بكم في بلادكم ،الناس طلع ليهم دم حيت هاد شركة لي المقر ديالها في كازا كتخدم غير دراري لي متيحترموش الناس ،في ظل غياب المسؤول ديال وزارة الخارجية لي بالدور ديالو مكلف بالجالية لي يعجبوك بشعارات الخاوية في شهر 6.