الجالية24 “إيطاليا”

هل تعلم ياسفير المغرب بايطاليا ،ان مغاربة مقيمين بإيطاليا ما رضينش على التعامل ديال دوك القنصليات لي تابعين لك ،وان أغلبهم ما تيجوبوش على المكالمات ديالهم واخ تبق تصوني ،وعندما علمت “الجالية 24 “بهذه التصرفات السيئة لي ضحيتها مغاربة مساهمين في اقتصاد البلاد وتيخلصو طوابع وضرائب لي من فلوس هد الرسوم كيتخلصو الموظفين ديال القنصليات لي رافضين يجوبوهم ،بغينا نتأكدو واش هذا شي فعلا صحيح،قمنا بالاتصال بقنصلية لا داعي لذكر الاسم ديالها وهي وحدة من بين القنصليات المغربية بايطاليا أكثر من 20 مرة والو ماكينش لي تيجوب وهنا تيبان ان فعلا لمغاربة تيواجهو معاناة حقيقية وضعف في التواصل مع هد القنصلية .
وهنا غادين نفكروك السيد السفير المغربي بإيطاليا، أن هناك تعليمات عليا ولي حث فيها الملك محمد السادس جميع السفارات المغربية والقنصليات بالعالم على خدمة المغاربة وتقديم أحسن الخدمات لهم،لكن هد شي ديال القنصليات تيبين أنه ضد التوجهات ديال السياسة الخارجية ديال بلادنا وهذا راه مشكيل حقيقي لايجب السكوت عليه .
السيد السفير انت كتعرف الادارات الايطالية كيفاش تتعمل مع لمغاربة يجوبو على المكالمات ويعطيوك الخاطر تتفهم مزيان وفي العهد ديال حسن أبو ايوب السفير السابق كان قاد بشغلو وكانوا جميع القنصليات تيجوبو على المكالمات ولكن حاليا أصبح تعامل أخر مع المغاربة المقيمين بايطاليا في العهد ديالكم ،واش هدي هي السياسة لي تتنهجها انت مع مغاربة إيطاليا ؟